Gjykata e Lezhës ka vendosur masën e sigurisë arrest me burg për Armand Zhejanin, njëri nga autorët I cili tentoi të grabiste vilën e drejtorit të shkollës Zef Thercaj, të njësisë administrative Zejm, në Lezhë. Ai së bashku me një person tjetër, tentuar të grabisnin sende me vlerë. Ngjarja ndodhi rreth dy ditë më parë, ku Armand Zhejani në bashkëpunim me një tjetër, duke përfituar që nuk ka patur familjarë në vilë, kanë grumbulluar disa sende me vlerë, por një sirenë ambulance ka stepur të rinjtë, të cilët janë larguar nga banesa pa marrë asgjë. Disa komshinj të cilet jetojnë pranë vilës së Thercajt, kanë lajmëruar të zotin e shtëpisë. Ky I fundiut, pasi mori alarmin nga komshinjtë ka ndjeku nga pas Zhejanin, duke bërë të mundur ndalimin e tij, ku më pas e ka dorëzuar në polici. Personi tjetër, i cili ka qenë i shoqëruar me të duke përfituar nga terreni malor ka arritur të largohet në drejtim të malit. Ndërkohë, ndërsa u mbajt seanca gjyqsore, nëna e 23 vjeçarit, shpërtheu në lot pas vendimit të trupës gjykuese, e më pas i ka rënë edhe të fikët për shkak të dhimbjes së madhe që i biri duhet të qëndrojë në qeli për krimin e kryer.