Në Klinikën e Pediatrisë të Qendrës Klinike Universitare të Kosovës, për shkak të fluksit të madh të pacientëve, po detyrohen që dy fëmijë t’i shtrijnë në një shtrat. Drejtuesit e klinikës thonë se brenda ditës, rreth 140 pacientë kërkojnë ndihmë mjekësore ndërsa rreth 30 fëmijë në ditë duhet të shtrohen në spital. Edhe vetë prindërit ankohen për mungesën e hapësirës duke nënvizuar se ndonjëherë, në një dhomë të vogël, bashkë me prindër e vizitorë mund të qëndrojnë deri në 12 persona. Berisha: Me prindër e vizitorë, numri mund të shkojë deri në 12 brenda "E kam sjellë një familjarë këtu, një fëmijë, ka pas dhimbje të barkut edhe vjellje, deri nesër është këtu, por në një dhomë të vogël tre fëmijë ishin, tre fëmijë dhe tre nëna, pra gjashtë. ... Kushtet janë të këqija, tash po shkoj po ia marr disa barna.... Mjeku pediatër në klinikë, Ali Venhari pranon se shpesh mjekët janë detyruar të vendosin dy pacientë të vegjël në një shtrat për shkak të fluksit të madh.