Shpërthimi i fuqishëm i një vullkani në Jug të Paqësorit në ishullin Tonga, ka bërë që një sërë vendesh në Paqësor të ndezin alarmin për cunami. Pas shpërthimit nënujor të vullkanit, që solli një cunami në ishullin-shtet Tonga, instituti meteorologjik në Australi, ka njoftuar se ekziston rreziku për trazim të detit në lindje të brigjeve të Australisë. Nga ana tjetër SHBA bëri thirrje që të gjithë qytetarët të largoheshin nga brigjet, duke ngritur po ashtu alarmin për cunami, edhe pse valët nuk arritën lartësinë e parashikur. Qytetarët janë këshilluar të futen të paktën një kilometër brenda zonave të sigurta, apo të qëndrojnë në 10 metra lartësi mbidetare.