Pas konstatimit të filetove të pulës me salmonelë, mandarinave de luleshtydhjeve me pesticide jep dorëheqjen drejtori i Autoritetit Kombëtar të Ushqimit, Fatjon Pasholli. Në vend të tij u komanduar Alketa Hoxha, e cila më herët ka mbajtur postin e drejtoreshës juridike në AKU. Prokuroria e Tiranës ka filluar hetimet për veprat penale të shpërdorimit të detyrës për tr e inspektorë të këtij autoriteti, lidhur me lejimin e futjes në treg të filetove të pulës të kontaminuara të cilat sjellin probleme serioze për shëndetin e qytetarëve. Në mes të këtyre zhvillimeve shqetësuese për sigurinë ushqimore, Autoriteti Kombëtar i Ushqimeve pritet të shkrihet nga data 13 maj. Kjo pas ligjit të miratuar në kuvend në shtator të vitit 2024, që përcakton se të gjitha inspektoriatet do të shkrihen në vetëm tetë inspektoriate qëndrore, sipas direktivave të Bashkimit Europian. Kështu Autoriteti Kombëtar i Ushqimit, i Veterinarisë dhe Akuakultura nuk do të ekzisojnë më.