Top News – Dorëheqja e kandidatëve nga primaret/Berisha- Tregues se në PD ekziston liria e shprehjes

Tërheqja e disa prej kandidatëve nga gara për primaret e Partisë Demokratike, me argumentin që procesi është i manipuluar dhe se ka njëanshmëri, u komentua edhe nga Sali Berisha. Ish kryeministri u shpreh se kryesia e Partisë Demokratike dhe kryetari i saj, nuk kanë ndikuar tek asnjë kandidat që ka paraqitur kërkesën, që ai të tërhiqet nga gara. Sa i përket dorëheqjes së kandidatëve, ai tha se është tregues se në Partinë Demokratike ekziston liria e shprehjes. Berisha shtoi se vetëm në Malësi të Madhe nuk po zhvillohet procesi i votimit, për shkak të disa problemeve, për këtë arsye gara është shtyrë.