Nga mëngjesi I së mërkurës do të ndërpritet puna në doganën e Kakavijës, për 24 orë. Sipas një njoftimi të bërë nga Drejtoria Vendore e Kufirit dhe Migracionit në Gjirokastër thuhet se: “Autoritetet e Policisë greke kanë njoftuar palën shqiptare në kakavijë për zhvillimin e një greve nga punonëjsit e doganës greke, me nderprerje të punës nga datë 17 shkurt, ora lokale greke 07:00 deri në orën 07:00 të një dite më pas. Në këtë akt kohor, si në hyrje ashtu edhe në dalje të doganës greke nuk do të lejohet kalimi i automjeteve si motoçikleta, autovetura, furgonë që transportojnë qytetarë dhe kamionët që transportojnë mallra. “Përjashtim do të ketë vetëm për udhëtarët këmbësorë, kamionët që transportojnë mallra ushqimore që ruhen në kushte frigoriferike, kamionët që transportojnë kafshët e gjalla, medikamente dhe automjetet për raste emergjente”, thuhet më tej në njoftim.