Kryeministri i Ukrainës, Denys Shmyhal deklaroi se do të ketë një Luftë të Tretë Botërore nëse Ukraina humb luftën e saj me Rusinë. Shmyhal shprehu optimizëm se ligjvënësit amerikanë do të miratonin pakëtën e ndihmës prej 61 miliardë dollarësh. Dhoma e Përfaqësuesve do të votojë për paketën këtë të shtunë. Propozimi përfshin financim për Izraelin si dhe për Indo-Paqësorin. Duke folur për BBC, kryeministri Shmyhal tha se: Këto para na duheshin që dje. Nëse nuk e mbrojmë… Ukraina do të bjerë. Pra, sistemi global i sigurisë do të shkatërrohet… dhe e gjithë bota do të duhet të gjejë një sistem të ri sigurie. Ose, do të ketë shumë konflikte dhe kjo mund të çojë në Luftën e Tretë Botërore.