Një burrë hapi zjarr gjatë një feste ditëlindjeje në Kolorado, duke vrarë 6 persona dhe në fund veten. Pas një telefonate, policia e Kolorado Springs shkoi në një park rulotash, ku gjetën gjashtë njerëz të vrarë me armë zjarri dhe një burrë të plagosur rëndë. Pas dërgimit në spital, ai vdiq nga plagët e marra. Nga hetimet paraprake, doli se në rulotën ku ndodhi ngjarja, disa familje ishin mbledhur për të festuar një ditëlindje. Sipas deklaratës së policisë, I dyshuari, që ishte I dashuri I njërës nga viktimat, shkoi me makinë afër rulotës, dhe sapo hyri filloi të qëllonte njerëzit që ishin Brenda. Ne fund ai vrau edhe veten. Policia po heton ende për motivin e ngjarjes. Nga sulmi nuk u lëndua asnjëri nga fëmijët e pranishëm, të cilët janë nën kujdesin e tw afwrmve të tyre. Kryebashkiaku I Kolorado Springs, John Suthers, tha se ky ishte një akt dhune I pakuptimtë, që e ka futur të gjithë komunitetin në zi, si dhe bëri thirrje për solidaritet me viktimat dhe familjet e tyre. Kjo ishte masakra e tretë me armë zjarri në Kolorado Springs, që nga tetori I vitit 2015, duke përfshirë edhe masakrën e Hallouinit dhe sulmin ne një klinikë fertiliteti në nëntorin e po atij viti. Shtetet e Bashkuara po përjetojnë një valë sulmesh me armë zjarri në javët e fundit, sic ishin ai në zyrën e FedEx në Indianapolis, ai në kompleksin e zyrave në Kaliforni, ai në dyqanin e ushqimeve në Boulder të Kolorados, si dhe ato në disa qendra llixhash në Atlanta. Muajin e kaluar, presidenti Joe Biden e quajti valën e dhunës një “epidemi” dhe “siklet ndërkombëtar”. Sipas tw dhwnave, numri I viktimave nga armët e zjarrit në SHBA, arriti në 43 mijë, duke përfshirë vetëvrasjet.