Kur Rusia aneksoi Krimenë në 2014, banorëve të gadishullit në detin e Zi iu tha se do të kishin më shumë siguri, paga më të larta dhe respekt për trashëgiminë e tyre pas ribashkimit me mëmëdheun. Pas 8 vitesh, kur bota është në alarm për një tjetër pushtim të mundshëm rus, realiteti për shumëkënd ka rezultuar i ndryshëm. “Njerëzit ishin euforikë”, kujton maria, një stiliste mode. Turmat dilnin nëpër rrugë me flamuj rusë dhe postonin selfie me ushtarët ndërsa votonin në referendum. “Shumëkush nisi të rindërtonte shtëpitë apo të blinte makina”. Por ndërsa pagat u rritën, inflacioni po ashtu ndërkohë që sanksionet e perëndimit pas aneksimit të paligjshëm hynë në fuqi. Biznesi i Marias u ndje në vështirësi apo ajo nuk mund të blinte materiale nga jashtë dhe as të shiste jashtë. Rusia ishte i vetmi treg në dispozicion të saj. Pavarësisht gjithckaje, ajo është e kujdesshme dhe nuk shpreh kundërshti ndaj sundimit të moskës... Kritikat ndaj aneksimit, ose ‘cënimi i integritetit territorial të federatës ruse’, janë krime që ndëshkohen me burg. E ky është në të vërtetë fakti i shumë prej atyre që ngritën zërin...Krimeja është i njohur për natyrën e saj dhe një destinacion popullor pushimesh gjithashtu për shumë rusë. Por e ka gjetur veten në një zonë gri ligjore. Cmimet janë rritur dhe banorët lokalë panë që pasaportat e tyre apo kartat e bankave nuk pranohen askund tjetër vetëm në rusi. Asnjë bankë e madhe ruse apo operator telefonik, apo zinxhir supermarketesh, nuk ka guxuar të zgjerohet në Krime për shkak të sanksioneve. Ndërsa kremlini godet fort disidencën. E ndërkohë cmimet janë ngritur në qiell, vecanërisht ato të pronave të paluajtshme