Ulja e temperaturave prej dy ditësh ka rikthyer reshjet e dëborës në bulqizë. Reshjet e dëborës të cilat nisën gjatë natës janë shoqëruar me erë të fortë dhe temperatura të ulëta duke sjellë probleme në akset nacionale dhe ato rurale. Bëhet e ditur se aksi rrugor Bulqizë-Peshkopi dhe Bulqizë-Tiranë kalohet pa zinxhirë, ndërsa në akset rurale kërkohet përdorimi i zinxhirëve. Ndërkohë raportohet që rreshje te lehta debore kanë përfshirë të territorin e Bashkise të Dibrës. Konkretisht ne zonat malore mbi 800 m, trashesia e bores shkon deri ne 10 cm, si tek Kalaja e Dodes, Selishte, Zall dardhe, ndersa theksohet se rruget nacionale jane teresisht te lira. E megjithatë bëhet e ditur se reshjet e borës së fundmi, nuk paraqesin probleme per bujqesine . Ndërkohë edhe në qarkun e Korçës gjatë natës ka pasur reshje dëbore të cilat vazhdojnë ende me alternime. Trashësia e borës varion nga 5cm deri në 15 cm. Në qytetin e Korçës ka rreth 5 cm bore, ndërsa kontraktorët në akset rrugore kanë punuar punuar për mirëmbajtje dimërore me borëpastruese dhe grupe pune. Në rrugën e Dardhës nga km 8 – km 14 rekomandohen kalimi i mjeteve me zinxhirë ose goma dimërore. Vështirësi paraqet edhe segmenti rrugor i Bigllës në rrugën e Doganës Goricë. Nuk ka probleme në rrugët e tjera nacionale dhe rurale të qarkut. Kërkohet kujdes nga drejtuesit e mjeteve në kushtet e lagështisë së madhe në rrugë. Nga informacioni i dhënë nga drejtuesit e OSHE rezulton se nga reshjet e borës dhe lagështira janë krijuar disa probleme me energjinë elektrike në fidrat që mbulojnë zonën e Vithkuqit bashkia Korcë, Petrushes dhe Zvezdes bashkia Maliq së bashku me fshatrat rreth tyre. Grupet e punës janë në terren dhe po punojnë për eliminimin e defekteve.