Diplomatja Yuri Kim ka zgjedhur të thumbojë nëpërmjet mesazheve të koduara të kamufluara në veshjen e zgjedhur për takimin me kryedemokratin Lulzim Basha si dhe ndihmës Sekretarin Amerikan për Çështjet Evropiane dhe Euroaziatike, Philip Reeeker. Në takimin e kreun e Partisë Demokratike u vu re një kod politik, në çantën që mbante në dorë ambasadorja. “Ambicie, respekt, punë në ekip”- shkruhej në çantën që kishte selektuar diplomatja nga garderoba e saj për takimin e kësaj të mërkure. Veshur me bluzë të bardhë, xhaketë neutral ngjyrë mente dhe pantallona elegante të zeza, në lookun e diplomates nuk mungonin edhe aksesorët. Në anën e djathtë të xhaketës së ambasadores amerikane qëndronte një trëndafil i bardhë simbol i paqes që duhet të dominojë në arenën politike në vend. Në përfundim të takimit diplomatja Yuri Kim dhe kreu i Partisë Demokratike Lulzim Basha, janë shfaqur të buzëqeshur. Duke lënë pas gjithë problemet që ka pasur deputeti i kësaj partie, njëherazi edhe ish kryeministri, Sali Berisha, me departamentin amerikan të shtetit, pas shpalljes së tij “non-grata”, Yuri Kim ka shtrënguar duart me kreun e demokratëve Lulzim Basha.