Të tjera detaje janë zbardhur nga ngjarja e ndodhur mëngjesin e kësaj të shtune ne Shkodër, ku dy subjekte u sulmuan me një sasi tritoli. Policia dhe grupi hetimor të cilët shkuan menjëherë në vendin e ngjarjes, kanë kontrolluar kamerat e sigurisë të subjekte përeth, për të parë me imtësi cdo lëvizje si dhe për të identifikuar autorët që vensodsën lëndën shpërthyese në këto dy subjekte. Uniformat blu, njoftojnë se nga filmimet e kamerave të sigurisë, është identifikuar një person I veshur me kostum sportive, i cili është parë duke iu afruar godinës 3-katëshe përballë Prefekturës në pedonalen e Shkodrës, dhe më pas u pa teksa vendosi tritolin në portën hyrëse. Menjëherë pasi ka vënë masën e tritolit, I riu është parë teksa është larguar me shpejtësi në drejtim të sheshit të piacës, me vrap. Pas rreth 1 minutë më pas është dëgjuar edhe shpërthimi në godinën që është në pronësi të Xhemal Bushatit, ish-kandidati të PD për kryebashkiak të Shkodrës. Policia e Shkodrës ka nisur hetimet prej orësh, ndërsa në tavolinën e grupit hetimor, ende nuk ka një pistë të mirëfilltë hetimi lidhur me këtë sulm.