Për më shumë se dy orë, pastruesja Rozeta Dobi është rimarrë në pyetje nga oficerët e Policisë Gjyqsore të Prokurorisë së Tiranës, brenda ambienteve të Komisariatit numër 3. Mësohet se Dobi është ripyetur për shkak të disa paqartësive që ka nga dëshmia e saj fillestare pas arrestimit në fillim të muajit janar dhe dëshmisë që ccoi në arrestimin e Alda Klosit dhënë së fundmi. Sipas dëshmisë që çoi në pranga ish drejtoreshën e konçesioneve në ministrinë e financave, Alda Klosi në kohën kur ministër ishte Arben Ahmetaj, pastruesja, Rozeta Dobi ka treguar për hetuesit se ajo ka nisur punë në vitin 2018 në një banesë që ndodhet në zonën e "Mozaikut" të Tiranës. Dobi është shprehur se në atë kohë, ka gjetur sipër krevatit të mbuluar me batanije shuma të mëdha parash.