Komando afgane të trajnuara nga SAS po rigrupohen ndërkohë që premtojnë se do të luftojnë deri në pikën e fundit të gjakut për ta rimarrë vendin e tyre nga duart e Talebanëve. Forcat afgane që janë të vendosura të vazhdojnë luftën, po rigrupohen në luginën Panjshir, një zonë 130 km në veri të Kabulit. Zona, është e vetmja nga 34 provincat e afganistanit që nuk ka rënë në duart e fanatikëve islamikë. Cdo ushtar apo milici që do të marrë armët kundër talebanëve, është thirrur të mblodhet në Panjshir, ku zëvendëspresidenti i afganistanit, Amrullah Saleh, e ka shpallur veten liderin legjitim të vendit. Në një mesazh në Tëitter, drejtuar Afganëve, Saleh tha: Bashkojuni rezistencës. Unë nuk do të përkulem kurrë, në asnjë rrethanë, përpara terroristëve talebanë. Ai ka premtuar rezistencë pasi presidenti i vendit Ashraf Ghani, u largua dhe sic raportohet mori me vete edhe canta të mbushura me para, në një shumë prej 169 milionë dollarësh. Mes atyre që kanë nisur të mblidhen në Panjshir, raportohet se janë edhe komandot afgane dhe forcat speciale që tani po kërkohen derë më derë nga talebanët, por që premtojnë se do të luftojnë deri në pikën e fundit të gjakut. Të trajnuar nga ushtarakët amerikanë dhe britanikë, trupat konsiderohen më të mirët e të mirëve.