Ish-deputetja e Partisë Demoraktie, Albana Vokshi ka akuzuar qeverinë se nuk po merr asnjë masë për përhapjen e COVID-19 nëpër shkolla. Gjatë një deklarate nga shkolla 9-vjeçare "Emin Duraku" Vokshi denoncoi qeverinë se po fsheh shifrat e vërteta të mësuesve të infektuar duke mos lajmëruar prindërit dhe rrezikuar jetën e qytetarëve. Sipas ish deputetes shkolla Emin Duraku, që është kthyer në vatër të rrezikshme nga covidi, është shembull I papargjëgjshëmrisë së qeverisë Zëvendësimi i mësuesve të karantinuar apo mësuesve që kanë rezultuar pozitivë me mësues në dispozicion, nuk është zgjidhje. Kjo jo vetëm se ka çorientuar dhe ka sjellë amulli në programin mësimor të nxënësve të kësaj shkolle, me orë të tepërta shtesë të panevojshme, por nuk është bërë asnjë tamponim, nuk është marrë asnjë masë për tamponimin e nxënësve të klasave ku kanë rezultuar mësues pozitivë dhe gjithashtu asnjë prind nuk është kontaktuar nga institucionet përkatëse, nga ISHP-ja, mjeku i familjes. Sipas Vokshit vetëm javën e fundit, nga informacionet që vijnë në PD, janë me dhjetëra rastesh mësuesish, dhjetëra raste nxënësish, duke e çuar numrin total në më shumë se 320 mësues dhe nxënës të infektuar me Covid 19, të izoluar dhe të karantinuar. Ish-deputetja ka përsëritur kërkesën e PD që qeveria dhe kryeministri Rama të zbatojnë menjëherë të paktën për shkollat, pikën 2 të planit prej 5 pikash të rimëkëmbjes së vendit nga kriza. Kërkojmë që të bëhen testime masive për çdo mësues në çdo shkollë të Shqipërisë. Kjo është mënyra e vetme për të krijuar hartën e përhapjes së Virusit të Covid 19 dhe për të ndërprerë zinxhirin e infeksionit. Së dyti të krijohen kusht higjieno – sanitare në çdo shkollë, të ketë ujë të rrjedhshëm, të ketë sapun, të ketë dezinfektantë, të bëhet dezinfektimi i përshtatshëm i ambienteve midis orëve të mësimit. Ato shkolla që nuk plotësojnë kushtet minimale higjieno – sanitare, apo nuk respektojnë protokollin e sigurisë, duhet të mbyllen dhe të sigurojë ambiente të tjera për kushte të sigurta për mësimdhënie për fëmijët dhe mësuesit. Të sigurohen maska falas dhe dezinfektant për mësues dhe nxënës. Është e rëndësishme që qeveria të reagtojë sot sepse nesër mund të jetë shumë vonë.