Departamenti amerikan i bën thirrje Shqipërisë të rrisë përpjelkjet për të luftuar trafikimin e qënieve njerëzore dhe të hetojë zyrtatët e përfshirë në këto operacione. Në raportin mbi trafikun e qenieve njerëzore për vitin 2022, i cili përfshin vlerësimet për rreth 190 vende të botës, DASH thoët se Shqipëria, e cila përfshihet ne raundin e dytë, nuk përmbush plotësisht standardet minimale por ka rritur përpjekjet për luftën kundër trafikimit. DASH thotë se Përfshirja e zyrtarëve në krimet e trafikimit mbetet një shqetësim madhor dhe se qeveria nuk raportoi asnjë ndjekje penale apo dënim të zyrtarëve, pavarësisht akuzave serioze, ndërsa shkarkoi një oficer policie nga posti i tij. Raporti vë në pah se qeverisë i mungojnë edhe burimet për të trajtuar grupet e cenueshme dhe për kujdes afatgjatë, punësim dhe përpjekje të tjera riintegrimi për të mbijetuarit e trafikimit. Raporti thekson se trafikantët e qenieve njerëzore shfrytëzojnë viktimat e brendshme dhe të huaja në Shqipëri si dhe jashtë saj. Ata shfrytëzojnë gratë dhe fëmijët shqiptarë për trafik seksual e punë të detyruar brenda vendit, veçanërisht gjatë sezonit turistik duke u bërë premtime të rreme të tilla si martesa ose oferta pune. Trafikantët zakonisht i detyrojnë fëmijët të lypin ose të kryejnë lloje të tjera të punës së detyruar, të tilla si shitja e sendeve të vogla. Trafikantët i shfrytëzojnë viktimat shqiptare për trafik seksual në vendet anembanë Evropës, veçanërisht në Kosovë, Greqi, Itali, Belgjikë, Gjermani dhe Zvicër. Në raportin e këtij viti, i bëhet thirrje Shqipërisë që të punojë në hetimin e thellë, ndjekjen dhe dënimin e trafikantëve, përgatitjen e bartësve të sistemit të drejtësisë për trajtimin e trafikimit të njerëzve dhe shtimin e përpjekjeve për parandalimin e trafikimit, mbrojtjen e viktimave dhe riintegrimin e tyre. Policia e Shtetit, thuhet në raport, hetoi 61 raste me 27 të dyshuar, pjesa më e madhe për trafikim fëmijësh dhe se Prokuroria e Përgjithshme ndoqi penalisht 60 çështje. DASH zbulon po ashtu se , SPAK-u ndoqi dy çështje të reja dhe vazhdoi dy çështje të viteve të mëparshme. Po ashtu, raporti thekson se as qeveria e Kosovës nuk i përmbush plotësisht standardet minimale për eliminimin e trafikimit.