Spanja mund të jetë vendi i parë evropian që do t’i japë Covid 19 statusin e gripit, vetëm dy vite pasi regjistroi 1 mijë viktima në ditë nga virusi. Kryeministri spanjoll, Pedro Sanchez, i kërkoi homologëve të tij të BE të debatojnë mbi mundësinë e trajtimit të covidit si grip. Lideri evropian tha për mediat vendase se situata në spanjë nuk është ajo me të cilën vendi u përball një vit më parë dhe se është koha të rivlerësohet evoluimi i covid 19 në një sëmundje endemike. Lëvizja do të bënte që izolimet dhe numërimi i rasteve ditore të mos ndiqeshin më por të ngrihej një sistem që do të gjurmonte rastet e covidit ashtu sic bëhet me gripin normal. Kjo vjen ndërsa një seri studimesh pozitive e konsiderojnë Omicronin më të lehtë se variantet e tjera me të dhënat që tregojnë se rreziku i shtrimeve në spital është 50-70 për qind më i ulët se delta.