Shqipëria vijon të ketë shifra të larta të të infektuarve me koronavirus dhe humbjes së jetëve. Në harkun kohor të 24 orëve të fundit nga 3957 testime kanë rezultuar pozitivë 986 persona, ndërsa janë shëruar 962 qytetarë dhe janë kryer 1331 vaksina. Por, shifrat janë tronditëse me humbjet e jetëve. Në harkun e 24 orëve të fundit janë shënuar 19 viktima, nga 65 deri në 89 vjeç. Ministria e Shëndetësisë dhe Mbrojtjes Sociale ju bën apel të gjithë qytetarëve të zbatoni rregullat për parandalimin e COVID 19.