Turra drush të improvizuara janë ngritur si krematoriume në kryeqytetin indian Delhi, ndërsa qyteti po mbaron hapësirën për të djegur trupat e të vdekurve të tij. Viktimat janë rritur në mënyrë të vazhdueshme në indi ndërsa vendi po përballet me një valë të dytë vrastare të koronavirusit, me 380 humbje jete të shënuara vetëm në Delhi, të hënën. Oksigjeni, krevatet në njësitë e kujdeist intensiv dhe ilacet mungojnë në vend. India ka regjistruar më shumë se një milionë raste koronavirusi brenda vetëm pak ditësh. Numri i rasteve të raportuara ra lehtë të martën, në 323144 nga kulmi prej 352991 që u raportua një ditë më parë. Sidooftë, druhet se shifra reale është shumë më e lartë nga ajo e raportuar, si për viktimat ashtu edhe për rastet. Stafi i krematoriumeve punon pa ndalur edhe gjatë natës, me të afërmit e viktimave që raportohet se duhet të ndihmojnë me djegien e trupave duke mbledhur dru dhe duke ndihmuar në ritualet e tjera. Në delhi, edhe parkingjet apo parqet janë kthyer tani në krematoriume. Familjet, shpesh duhet të presin për orë të tëra deri sa të lejohen të djegin trupat e të dashurve të tyre. Janë të shumta ndërkohë vendet që i kanë ofruar ndihmë indisë me furnizime me oksigjen, si edhe me ventilatorë dhe mjete të tjera. Britania ka nisur ventilatorë dhe aparate oksigjeni. Vendet e BE do të nisin ndihma po ashtu ndërsa presidenti amerikan, Joe Biden premtoi mbështetje të plotë.