Edhe këtë të mërkurë nuk është shënuar asnjë vikitmë nga Covid 19. Përveç numrit të viktimave që pothuajse është zeruar edhe numri i personave të infektuar ka pësuar një rënie të ndjeshme kohët e fundit. Spitalet gjithashtu janë në situatë normale nga fluksi i pacientëve të infektuar me koronavirus. Edhe numri i pacientëve që po marrin trajtim spitalor çdo ditë e më shumë po pëson rënie. Bëhet me dije se në harkun kohor të 24 orëve të fundit janë kryer 2821 testime, nga të cilat vetëm 18 qytetarë kanë rezultuar pozitivë me Covid 19. Rastet pozitive janë konfirmuar 6 raste në Tiranë, 4 në Shkodër, 3 në Malësinë e Madhe, 2 në Kavajë dhe nga një rast në Fier, Përmet dhe Bulqizë. Aktualisht në spitale 20 pacientë po marrin trajtim spitalor, nga të cilët 6 prej tyre janë në terapi intensive. Po në harkum kohor të 24 orëve të fundit janë shëruar 25 qytetarë, duke e çuar numrin e të shëruarve në 129 mijë e 761 që nga fillimi i epidemisë.