Policia e Lezhës ka vënë në pranga një 50-vjeçare si dhe ka shpallur në kërkim ish-bashkëshortin e saj, për shkak se akuzohen për trafikim kokaine. E arrestuara është Vera Preka, 50 vjeçe banues në Ishull në Lezhë. Gjithashtu u shpall në kërkim ish-bashkëshorti i saj, shtetasi Dod Markvukaj i dënuar më parë për vjedhje, i cili ishte me masë sigurie “Arrest në shtëpi, për veprën penale “Prodhimi dhe shitja e narkotikëve”. Vera Preka u arrestua gjatë operacionit policor të koduar “Stacioni”. Operacioni u krye nga agjentët e antidrogës, pas informacioneve që ishin siguruar më parë në rrugë operative. Të arrestuarës iu sekuestruan 1.2 kg lëndë narkotike e dyshuar kokainë. Pikërisht mbi bazë të informacioneve shërbimet e Policisë kanë ndërhyrë në servisin në pronësi të shtetasit Dodë Marvukaj që ishte i përshtatur si banesë për ish bashkëshorten shtetasen Vera Preka. Gjatë kontrollit të ushtruar në këtë ambient, shërbimet e Policisë gjetën dhe sekuestruan 1.184 kg lëndë të dyshuar kokainë dhe një peshore elektronike