Kjo javë ka qenë shumë intensive për policinë e shtetit, ku vetëm në 7 ditë janë kryer rreth 15 operacione policore, ndërsa janë vënë në pranga 100 persona për vepra të ndryshme penale. Në një bilanc të bërë nga vetë policia e shtetit, raporotohet se gjatë kësaj jave u bë e mundur kapja e 28 personave në kërkim kombëtar për vepra të ndryshme penale dhe e 2 personave në kërkim ndërkombëtar. Në një operacion policor, ku u zbuluan dy laboratorë, njëri për falsifikimin e dokumenteve dhe njëri për kultivimin e kanabisit me anë të llambave, u sekuestruan 3 armë zjarri, municion luftarak, armë të ftohta dhe sende të tjera të kundërligjshme.