Edhe pse më herët Buckingham Palace deklaroi se Mbretëresha Elizabeta e II do të merrte pjesë në ceremoninë përkujtimore në nder të viktimave të luftës, si duket gjendja e saj e ka detyruar të tërhiqet. Të dielën Mbretëresha ka vendosur të anulojë gjithçka e shkak për këtë është bërë një lëndim në shpinën e saj thuhet nga zyra e shtypit. “Madhëria e saj është e zhgënjyer që do të humbasë daljen e saj publike,”-thuhet në deklaratë. Kjo do të ishte dalja e parë publike e mbretëreshës që kur ajo u këshillua të pushonte pasi kaloi një natë në spital muajin e kaluar. Lajmi se mbretëresha nuk do të marrë pjesë në ceremoninë e Ditës së Përkujtimit në qendër të Londrës, e cila konsiderohet si një nga detyrimet më të rëndësishme të vitit, do të intensifikojë shqetësimet për shëndetin e saj. Një burim nga pallati tha se tërheqja që ka pësuar mbretëresha në shpinë nuk ka lidhje me problemet shëndetësore, të cilat nuk janë sqaruar ende, edhe pse u shtrua për to në spital.