Takimi i Gjenevës mes Vladimir Putinit dhe Joe Biden, më 16 qershor, nuk do të jetë aspak miqësor. Si fillim, Rusia e ka përfshirë SHBA së fundmi në listën e shteteve jo miqësore. Të dyja palët i përshkruajnë marrëdhëniet mes tyre si në pikën më të ulët në histori. Asnjëri vend nuk ka një ambasador në vendin tjetër. Zyrtarë të lartë rusë janë subjekte të sanksioneve amerikane për shumëcka, duke filluar nga aneksimi i Krimesë nga Ukraina e deri tek përzierja në zgjedhjet amerikane, dhe dy ish marinsa amerikanë janë në burgjet ruse, duke kryer dënimin me 16 vite burg për spiunazh. E mbi të gjitha, pati një moment në Mars kur Joe Biden pranoi në një intervistë se Vladimir Putin ishte një vrasës. Sidoqoftë, të dy ata do të takohen si dy presidentë për të parën herë dhe shumëkush në Rusi e sheh këtë si një arritje në vetvete.