Presidenti Joe Biden ka përkujtuar të shtunën 20 vjetorin e sulmeve terroriste të 11 shtatorit, duke marrtë pjesë në tre ceremoni në secilin nga vendet ku u rrëzuan aeroplanët e rrëmbyer në vitin 2001. Kreu i Shtëpisë së Bardhë e nisi ditën në Nju Jork, ku mori pjesë në një ceremoni në vendin ku ngriheshin dikur kullat binjake të Qendrës Tregtare Botërore, përpara se të goditeshin nga dy aeroplanë të rrëmbyer nga Al-Kaeda. Ai shoqërohej nga Zonja e Parë, Jill Biden dhe ish -presidentët Barack Obama dhe Bill Clinton, si dhe një sërë figurash dhe senatorësh demokratë dhe republikanë. Ceromonia në Nju Jork nisi nga anëtarët e familjes që lexonin emrat e 2,983 viktimave që kishin humbur jetën në 11 Shtator dhe vazhdoi më pas me minuta heshtje në nder të tyre. “Ne nderojmë të gjithë ata që rrezikuan dhe janë jetën e tyre në minutat, orët, muajt dhe vitet më pas”, tha Biden, teksa iu drejtua punëtorëve të emergjencave që u përgjigjën pas sulmeve. Biden pranoi se forca të errëta të natyrës njerëzore, frika dhe zemërimi, pakënaqësia dhe dhuna kundër myslimanëve amerikanë erdhën,pas sulmeve, por tha se uniteti është forca më e madhe e SHBA-së. “Kemi mësuar se uniteti është diçka që nuk duhet të thyhet kurrë”, theksoi presidenti amerikan. Ai udhëtoi për në Shanksvill të Pensilvanisë, ku një tjetër avion u rrëzua në një fushë pasi udhëtarët ia dolën të parandalonin rrëmbyesit të godisnin objektivin e parashikuar. Më pas zoti Biden u kthye në Uashingtonit për të vizituar Pentagonin, simbolin e fuqisë ushtarake amerikane që u godit 20 vite më parë nga një tjetër aeroplan i rrëmbyer.