Vijon të mbetet I lartë numri I të infektuarve me Covid-19 në vendin tone, ndonëse krahasuar me një ditë më parë është regjistruar një rënie e lehtë e të infektuarve. Sipas të dhënave të përditësuara nga Ministria e Shëndetësisë janë kryer 3149 testime, nga të cilat kanë rezultuar pozitivë me COVID19, 1326 qytetarë. Tirana vijon të mbetet qyteti me më shumë infektime, me 574 raste, ndjekur nga durrësi me 100 të tilla, 61 në Vlorë, 60 në Shkodër, 49 në Berat, 48 në Fier, 43 në Lushnje, 36 në Sarandë, 34 në Lezhë, 27 në Krujë, 23 në Kamëz, 21 në Elbasan, 19 në Gjirokastër, nga 18 qytetarë në Kurbin, Korçë, 17 në Kuçovë, 16 në Kavajë etj. Për fat të mirë, kjo e shtunë nuk ka shënuar asnjë viktimë si pasojë e COVID-19, teksa është vënë re edhe një rritje e të shtruarve në spitale, më konkretisht 32 pacientë po marrin trajtim të specializur, por nuk ka asnjë në terapi intensive. Në total, aktiv me COVID në gjithë vendin janë 9,270 qytetarë. Po ashtu gjatë 24 orëve të fundit Janë shëruar 986 qytetarë. Nisur nga shtimi i rasteve ditore, në një kohë kur me verën pritej që COVID të zhdukej, Ministria e Shëndetësisë përsërit apelin për vaksinim.