Eurodeputeti József Szájer është politikani në qendër të skandalit që shkaktoi lajmi I nje feste te shfrenuar në Bruksel, që bëri bujë në mediat botërore. Aleati I kryeministrit hungarez Viktor Orban është detyruar të pranojë se ishte I pranishëm në festën e organizuar në një lokal të kryeqytetit belg me drogë, alkol e marrëdhënie intime. Raportet në shtypin e huaj tregojnë se mes pjesëmarrësve të tjerë në festën e shfrenuar, e cila që organizuar në mesin e kufizimeve të rrepta të pandemisë, kishte disa diplomatë. Policia gjeti rreth 25 vetë në atë që Szájer, anëtar I vjeter I partisë Fidesz, I cili ka ndihmuar dhe në hartimin e kushtetutes hungareze, e përshkroi si një “festë private”. Besniku I Orbanit mohoi të kishte përdorur drogë, megjithate shprehu keqardhjen për shkeljen e rregullave të karantinës, duke thënë se një veprim I tillë, ishte papërgjegjshmëri nga ana e tij. Thuhet se Szajer është përpjekur të arratiset në momentin e mbërritjes së forcave të rendit, por efektivet e kapen dhe e moren ne pyetje. Pas këtij episodi, eurodeputeti, që kishte tentuar të përfitonte dhe nga imuniteti I tij, ka dhënë dorëheqjen. Vitet e fundit, Fidesz e ka paraqitur veten si një parti kundër barazisë së të drejtave për komunitetin LGBT në Hungari.