Britania e Madhe tronditi të enjten skenën politike shqiptare pasi njoftoi se ka vënë nën sanksione një numër të madh personash të njohur politikë dhe me lidhje me politikën për shkak të korrupsionit madhor. Vendimi i publikuar fillimisht në faqen e vetë qeverisë britanike, u konfirmua edhe nga i dërguari special i kryeministrit britanik për Ballkanin, Sër Stuart Peach përmes një statusi në Tëitter. Edhe pse nuk ka emra konkretë, Peach paralajmëron se Britania e Madhe ka gati një listë me 27 zyrtarë që do t'ju ndalohet hyrja në territorin britanik. Peach bën me dije se lista me 27 individë ka në përbërje biznesmenë dhe politikanë shqiptarë, pa lënë pas edhe zyrtarë, të cilët kanë lidhje të fota me politikën. Sipas tij, këta persona kanë kryer korrupsion, i cili është i ditur botërisht dhe kanë patur lidhje të forta me krimin duke marrë mbështetje prej tyre. Bëhet fjalë për individë që janë aktivë në jetën politike, në biznes dhe me organizatat kriminale, të cilët në bashkëpunim me njeri-tjetrin kanë vjedhur zgjedhjet dhe kanë shantazhuar votuesit. Mbështetja që disa personazhe publike marrin nga kriminelët në këmbim të korrupsionit të tyre mbyt zërin e popullit shqiptar. Siç tregon raporti i OSBE-së për monitorimin ndërkombëtar të zgjedhjeve parlamentare të vitit të kaluar, blerja e votave dhe keqpërdorimi i fondeve publike vazhdojnë të jenë një problem madhor në politikën shqiptare. Për sa kohë që politikanët janë në gjendje të punojnë me kriminelët për të blerë, shantazhuar dhe frikësuar votuesit, demokracia shqiptare do të mbetet e brishtë dhe e paplotë. Tani nevojiten ndryshime të mëtejshme dhe reforma zgjedhore”, thuhet në njoftimin e qeverisë britanike. Peach paralajmëron skenën politike shqiptare nuk thënë se korrupsoni dhe veprimet kriminale nuk do të mbeten pa pasoja. Sipas tij, krimi i organizuar dhe korrupsioni në Shqipëri - dhe më gjerë në rajon – nënkupton gjithashtu se shuma të mëdha fondesh shtetërore, të mbledhura nga taksapaguesit e zakonshëm, nuk arrijnë kurrë në shkollat, spitalet dhe rrugët që u duhen shqiptarëve.