Britania e madhe dhe bashkimi evropian kanë arritur një marrëveshje se si rregullat pas divorcit do të implementohen, vecanërisht në lidhje me irlandën e veriut. Qeveria tha se një marrëveshje në parim është arritur për disa cështje, përfshirë pikat e kontrollit në kufi dhe furnizimin me ilace. Qeveria thotë se do të tërheqë tani klauzolat e diskutueshme në ligjin për tregun e brendshëm. Sidoqoftë negociatat për të arritur një marrëveshje të plotë për tregtinë pas brexitit, vazhdojnë akoma. Detajet e marrëveshjes nuk janë publikuar ende por pritet të ravijëzohen në ditët në vijim. Ato do të aplikohen pavarësisht nëse dy palët do të arrijnë apo jo një marrëveshje tregtare. Sidoqoftë, ky hap i parë ka sjellë pak optimizëm me ministrin britanik Michael Gove që tha se ishte i kënaqur dhe falenderoi zëvendëspresidentin e komisionit evropian, Maros Sefcovic për qëndrimin konstruktiv dhe pragmatik të ekipit të tij. Zyrtarët irlandezë po ashtu mirëpritën lajmin. Marrëveshja e tërheqjes, apo e divorcit, përcakton detajet e daljes së britanisë së madhe nga BE. Brexiti tashmë është konkretizuar por rregullat nuk kanë ndryshuar menjëherë, me Britaninë dhe BE që lanë kohë deri në fund të këtij viti për të negociuar një marrëveshje për periudhën pas brexitit.