Qeveria britanike ka njoftuar se “mijëra” azilkërkues do të strehohen në katër baza ushtarake, duke përfshirë një në zonën elektorale të kryeministrit. Ministri i Emigracionit Robert Jenrick konfirmoi planet për të strehuar migrantët në ish-lokacionet e RAF në Essex dhe Lincolnshire, si dhe njoftoi dy vende të reja në East Sussex dhe Yorkshire. “Kryeministri po tregon lidership për këtë çështje duke sjellë propozime për të ofruar strehim në Catterick Garrison Barracks në zonën e tij elektorale dhe ne po vazhdojmë të eksplorojmë mundësinë e akomodimit të emigrantëve në anije, njësoj si Skocia dhe Holanda”, tha Jenrick.