Top News – “Brenda 3 muajsh, 1200 forca pune”/ Ndërtimi i spitalit ne Fier, Rama bëri një kërkesë

Puna per ndertimin e spitalit rajonal e Fier ka nisur, e per te pare punimet ishte kete te premte Kryeministri Edi Rama, i cili nuk nguroi ti bente edhe nje kërkesë përfaqësuesit të kompanisë turke. Ai kërkoi që të gjithë personat që janë shpronësuar për ndërtimin e këtij spitali, tu ofrohet mundësi punësimi nga ana e kompanisë në këtë kantier. “Unë kam një kërkesë që atyre familjeve që janë shpronësuar në mirëkuptim, duhet t’i takosh, që nga ata që takova atë ditë, t’i ofroni mundësi të punojnë këtu në bazë të aftësive dhe mundësisë së tyre. Që nga roje kantieri, teknik apo çfarëdo aftësie të kenë. Duhet t’i kontaktosh sot dhe t’i jepni mundësi që të përfshihen. Ata duhet të jenë të parët në listë. Takoi, merru çfarë janë të disponueshëm të bëjnë, jepjani kompanisë dhe ti përfshijnë. Perfekt! Bereqet!” Rama shoqerohej Ministrja Balluk e cila u shpeh se është përmbyllur me sukses faza e shpronësimit të 12 familjeve që ndodheshin aty, në bashkëpunim me bashkinë e Fierit. “Duke nisur që dje, kemi nisur nga puna për kantierin, deri ditën e hënë pritet që të ketë një fuqi punëtore mbi 200 punonjës dhe 20 inxhinierë të cilët do të fillojnë pjesën e ndërtimit të spitalit. Kemi marrë masat sa i përket punonjësve, një pjesë e mirë e tyre vijnë nga Turqia, patjetër do të ketë punonjës vendas. Kemi marrë masat për akomodimin e grupit që vijnë nga Turqia, janë më shumë se 200 veta. Jemi në afate, na janë përgjigjur të gjitha institucionet, nga bashkia te UKT-ja” , shton më tej ministrja Ballluku.Balluku tha se spitali do të jetë i shtirë paralel me rrugën në një sipërfaqe 50 mijë metra katrorë, 13 mijë metra katror janë ndërtim dhe pjesa tjetër janë ambiente. Kreu i qeverisë Rama shkëmbeu batuta me inxhinierin turk duke i kujtuar se spitali duhet mbaruar për tre muaj, e pergjigjia e tij nuk vonoi se ishte ne dijeni te kohes presionit për ta ndërtuar sa më shpejtë.