Pushtimi rus i Ukrainës është një nga tragjeditë më të mëdha të viteve të fundit, që dëshmoi se njeriu nuk mëson dot as nga gabimet e së shkuarës. Pavarësisht se shumica e njerëzve e ndjenin se Presidenti Putin ishte një person potencialisht i rrezikshëm, ata kurrë nuk e imagjinonin se ai do të arrinte në të tilla ekstreme. Pushtimi i Ukrainës për Rusinë do të thotë një listë e gjatw sanksionesh, që pritet të prekë të gjithë botën mbarë dhe jo vetëm. Mirëpo kush është në krah të Putin në këtë betejë kokë më kokë me perëndimin? Ndër vite miqtë oligarkë të tij janë pasuruar në kurriz të popullit rus, duke krijuar perandori. Këta individw janë shënjestruar nëpërmjet sanksioneve, jo vetëm nga administrata Biden, por edhe nga Mbretëria e Bashkuar. Sanksionet kanë për qëllim të degradojnë aftësinë e Rusisë për të projektuar fuqinë dhe për të kërcënuar paqen dhe stabilitetin e Evropës. I pari është djali i Sergei Borisovich Ivanov, Sergei Sergeevich Ivanov, I cili është CEO i kompanisë shtetërore ruse të minierave të diamanteve Alrosa dhe anëtar bordi i Gazprombank, institucioni i tretë financiar më i madh në Rusi.