Detaje të reja janë zbardhur nga vrasja e shqiptarit Dritan Idrizi dy ditë më parë në provincën e Pesaro Urbinos, në Itali, ndërsa në pranga janë vënë tre persona, mes tyre edhe autori i dyshuar Artur Cerria. Mediat italiane shkruajnë se shkak për konfliktin e ashpër që përfundoi me një viktimë, ishte një mosmarrëveshje mes dy familjeve shqiptare. Ngjarja ndodhi në zonën e San Giovanni në Marignano, ku viktima, i njohur ndryshe edhe si Dritan Xhepexhiu, bashkë me disa persona të tjerë, shkuan të zgjidhnin një mosmarrëveshje për 5 mijë euro, lidhur me punët e ndërtimit me Artur Cerrian. Ndonëse konflikti fillimisht mes dy palëve nisi me ofendive e dhunë fizike, Artur Cerria mori thikën dhe e goditi 38 vjecain, duke i shkaktuar vdekjen. Vetë autori i dyshuar ka thënë për policinë, se ai e qëlloi 38 vjecarin Dritan Idrizi me thikë në bark për të mbrojtur veten e tij, gruan dhe djalin.Në fakt, në trupin e viktimës u konstatuan plagë në zemër dhe kraharor.