Një anije hapësinore që do të përplaset qëllimisht me një asteroid, po përgatitet të niset në fluturim. Misioni DART, ose testi i dyfishtë i ridrejtimit të asteroidit, i NASA-s, do të nisë në orën 22.20 më 23 nëntor, në bordin e një rakete të SpaceX, Falcon 9, nga Kalifornia. Pas lancimit në nëntor, NASA do të testojë teknologjinë e saj të devijimit të asteroidëve në shtator të 2022 për të parë se ajo e prek lëvizjen e një asteroidi në hapësirën pranë tokës. Objektivi i parë është Dimorphos, një hënë e vogël që rrotullohet rreth asteroidit të afërt me tokën, Didymos. Kjo do të jetë hera e parë që agjencia demonstron në shkallë të plotë këtë lloj teknologjie, që ka si qëllim të mbrojë planetin. Objektet e afërta me tokën janë asteroidë dhe kometa, orbita e të cilave i con ato në një rreze prej 30 milionë miljesh nga planeti. Evidentimi i kërcënimit që paraqesin objektet e afërta me tokën, që potencialisht mund të shkaktojnë dëm të madh, është fokus kryesor i NASA-s dhe organizatat e tjera hapësinore përreth botës.