Rusia do të vendosë armët e saj taktike bërthamore pranë kufijve perëndimorë të Bjellorusisë, tha i dërguari rus në Minsk të dielën duke i pozicionuar kështu ato në portat e NATO-s, në një lëvizje që me gjasë do të përshkallëzojë akoma më shumë tensionet e moskës me perëndimin. Në një nga sinjalet bërthamore më të forta nga rusia që nga fillimi i pushtimit të ukrainës, 13 muaj më parë, presidenti Vladimir Putin tha më 26 mars se rusia do të vendosë armë taktike bërthamore në Bjellorusi. Dy fqinjët sllavë janë formalisht pjesë e një unioni dhe kanë zhvilluar bisedime prej vitesh për tu integruar më thellë, një proces që është përshpejtuar pasi Minsku lejoi Moskën të përdorte territorin bjellorus për të dërguar trupat në ukrainë, vitin e kaluar. Armët do të vendosen në kufirin perëndimor të unionit tonë dhe do të rrisin mudësitë e garantimit të sigurisë” tha ambasadori rus në Bjellorusi, Boris Gryzlov për televizionin shtetëror bjellorus.