Sekretari amerikan i Shtetit Antony Blinken ka kërkuar ndihmën e aleatëve të Nato-s kundër një Kine gjithmonë e më aggressive, sic u shpreh ai. Natyrisht, ne nuk mund të detyrojmë askënd të zgjedhë mes Uashingtonit dhe Pekinit, tha Blinken. Por kryediplomati amerikan paralajmëroi se Kina po kërkon të minojë demokracitë liberale Perëndimore.Aleatët evropianë si Franca dhe Gjermania janë duke kërkuar një ekuilibër strategjik në marrëdhëniet me të dyja fyqitë e mëdha botërore, i cili të siguronte që BE-ja të mos jetë aq shumë i lidhur me asnjërën prej tyre sa kjo të shkaktonte ndarjen me tjetrën. Bashkimi Evropian, e sidomos Franca, dëshiron pavarësi nga Shtetet e Bashkuara, aleati dhe mbrojtësi i saj prej më shumë se shtatë dekadash. Spanja dhe Holanda i kërkuan bllokut të mbajë të hapur ekonominë e saj ndërsa po synon "autonomi strategjike"."Vendet mund të punojnë me Kinën atëherë kur është e mundur", sqaroi Blinken duke theksuar se ndryshimi i klimës ishte një fushë ku bashkëpunimi ishte i domosdoshëm me një vend që ka një popullsi prej 1.34 miliardë banorësh e që emeton një të katërtën e dioksidit të karbonit në botë, më shumë sesa Shtetet e Bashkuara.Ndërsa SHBA dhe Kina po konkurrojnë për ndikim dhe epërsi globale nga makinat elektrike tek biomjekësia, Blinken akuzoi gjithashtu Pekinin se po minon rendit tregtar ndërkombëtar që Shtetet e Bashkuara dhe aleatët e saj ndërtuan pas Luftës së Dytë Botërore, duke nenvizuar se `ata po punojnë në mënyrë aktive për të shmangur rregullat e sistemit ndërkombëtar dhe vlerat që ne dhe aleatët tanë ndajmë.