Mijëra besimtarë, përfshirë udhëheqës fetarë dhe politikë nga e gjithë bota, pritet të marrin pjesë në funeralin e Papa Françeskut të shtunën. Me një mori delegacionesh të huaja që pritet të mbërrijnë në Vatikan për funeralin e Papa Françeskut të shtunën, autoritetet italiane do të mbikëqyrin një operacion kompleks sigurie. Policia po patrullon aktualisht rrugët rreth Vatikanit, si dhe stacionet nëntokësore dhe shtrirjen e lumit Tiber pranë Via della Conciliazione, rruga kryesore që çon në Sheshin e Shën Pjetrit. Mekanizmat e sigurisë duke përfshirë armë anti-drone, një zonë ndalim-fluturimi të patrulluar nga avionë luftarakë dhe teknologji të sofistikuara bllokimi po përdoren në të gjithë Romën dhe në qiellin mbi kryeqytetin italian, sipas raportimeve në mediat italiane. Trupi i Papa Françeskut u zhvendos të mërkurën në mëngjes në Bazilikën e Shën Pjetrit për tre ditë zie publike. Bazilika e Shën Pjetrit do të mbahet e hapur deri në mesnatë për të lejuar besimtarët që ti japin papës argjentinas lamtumirën e fundit. Periudha e zisë publike do të përfundojë të premten në orën 19:00 sipas orës lokale.