Një spiker televizioni në Bjellorusi, e quajti Boris Johnsonin një ‘pijanec’ pas vizitës së tij në Kiev dhe bisedimeve me presidentin rus Vladimir Putin për krizën e Ukrainës. Ndërsa trupat ruse dhe fuqia ushtarake u mblodh në kufirin e bjellorusisë me Ukrainën, prezantuesi i televizionit shtetëror, Grigori Azarionok, thumboi perëndimin dhe paralajmërimet e tij për një pushtim të mundshëm, duke u talluar edhe me kryeministrin britanik, Boris Johnson, që e ka gjetur veten këto kohë të mbërthyer edhe në atë që është quajtur skandali “Partygate”, ndryshe ai i festave në kryeministri gjatë kufizimeve të koronavirusit. Pavarësisht telasheve në shtëpi, Johnson vizitoi kievin javën e shkuar për të takuar presidentin Ukrainas, Volodimir Zelenski. Dhe pikërisht kësaj vizite iu referua prezantuesi bjellorus kur tha: Pijaneci Johnson udhëton përmes stepavare të pavarura ukrainase, pi vodka të cilësisë së ulët dhe i bie daulles duke i kërkuar Ukrainasve të japin jetën për interesat e anglo-saksonëve. Por pavarësisht se sa i fortë është shërbimi juaj sekret, pavarësisht sa skllevër keni, pavarësisht fuqisë suaj, ju do të humbni”, tha Azarionok, që është i njohur sidoqoftë si propagandist.