Kryeministri Edi Rama i jep të gjithë mbështetjen Albin Kurtit në bisedimet e marrëveshjen e vështirë me Serbinë. Rama u takua me Kurtin në Tiranë këtë të diel dhe ndau përmes Facebook se çfarë folën së bashku. Me mikun e posaçëm, kryeministrin e Kosovës, Albin Kurti, shkruan Rama, diskutuam me detaje për marrëveshjen e Ohrit dhe ecurinë e mëtejshme të procesit të zbatimit të saj. Rama deklaron se i shprehu Albin Kurtit të gjithë simpatinë për kurajon dhe realizmin me të cilin ka hedhur hapa me rëndësi të madhe drejt normalizimit të marrëdhënieve me Serbinë.