Universiteti Bujqësor, u soll si shembull suksesi për të gjitha institucionet e tjera të arsimit të lartë nga kryeministri Edi Rama, për shkak të partneritetit me universitetin Boku të Vjenës dhe ofertës së re me nëntë programe të reja studimi që ofron për të rinjtë. Rama: “Të gjithë universitetet e Shqipërisë do ta kenë shumë të qartë që tani që ne e kemi shembullin, nëse duan mbështetje ekstra, duhet të bëjnë atë që po bën Universiteti Bujqësor i Tiranës, duhet të gjejnë shokun apo shoqen në Europë, të ngjiten me të, të dorëzojnë “letrat e fejesës” që ne t’i mbështesim për ‘martesë’. Histori “jo kam një program këtu, jo thërritem këtu, jo do bëjmë këtë, do bëjmë këtë, do bëjmë atë”, mund t’i bëjnë, janë autonomë, por nuk kanë mbështetje nga qeveria. Qeveria do të ndryshojë komplet qasjen financiare dhe për sa kohë nuk do të ketë një të dytë, çfarë janë ekstra ne do t’i vëmë në Universitetin Bujqësor të Tiranës.”