Në 75 vjetorin e krijimit të Republikës Parlamentare Italiane u zhvillua një ceremoni në sheshin Italia në Tiranë, ku u vendos vepra Big Bang e Helidon Xhixhës. Ambasadori Italian Fabrizio Bucci tha se italianët janë një popull i fortë i cili jep më të mirën kur është në vështirësi. Bucci iu referua vitit të vështirë pandemik ndërsa theksoi edhe stafin spitalor të dërguar nga shqipëria në mbështetje të Italianëve në momente më të vështira në përballjen me pandeminë. " Ne dimë të rezistojmë kur jemi në vështirësi. Edhe historia e këtyre muajve e tregon diçka të tillë, koha e pandemisë. Ne dolëm më të fortë se më parë. Sot jemi në shesh pak sepse ende nuk e kemi munduar armikun e vogël të padukshëm, siç e quan miku ynë Edi Rama. Shpresoj që vitin e ardhshëm të jemi të gjithë bashkë. Ne nuk e harrojmë kurrë atë që bëri Shqipëria për ne vitin e kaluar, kur na solli mjekë dhe infermierë, vëllezër e motra shqiptarë, për të na ndihmuar në luftën kundër këtë virusi.”