Pak pas orës 20:00 të mbrëmjes më 8 maj, flakë të kuqe u shfaqën në qiellin e natës mbi qytetin verior indian të Jammu-së, ndërsa sistemet e mbrojtjes ajrore hapën zjarr ndaj dronëve nga Pakistani fqinj. Ushtritë indiane dhe pakistaneze kanë përdorur avionë luftarakë, raketa konvencionale dhe artileri gjatë dekadave të përleshjeve mes tyre, por katër ditët e luftimeve në maj shënuan herën e parë që Neë Delhi dhe Islamabadi përdorën mjete ajrore pa pilot në shkallë të gjerë kundër njëri-tjetrit. Luftimi u ndal pasi SHBA-të njoftuan se ndërmjetësuan një armëpushim, por fuqitë e Azisë Jugore, të cilat shpenzuan më shumë se 96 miliardë dollarë për mbrojtje vitin e kaluar, tani janë të përfshira në një garë armatimesh me dronë. Dy burime thonë për agjencinë e lajmeve reuters se pritet rritje e përdorimit të dronëve nga fqinjët e armatosur me armë bërthamore, sepse sulmet në shkallë të vogël me këto mjete mund të godasin objektiva pa rrezikuar personelin ose pa provokuar përshkallëzim të pakontrollueshëm. India planifikon tani të investojë shumë në industrinë vendase dhe mund të shpenzojë deri në 470 milionë dollarë për dronët gjatë 12 deri në 24 muajve të ardhshëm, afërsisht tre herë më shumë se nivelet para konflikti. Këtë muaj, india miratoi ndërkohë afro 4.6 miliardë dollarë fonde emergjente për prokurim ushtarak dhe sipas burimeve, planifikon të përdorë pjesë të këtij financimi shtesë, për dronë luftarakë dhe mbikqyrës. Në anën tjetër, Forcat Ajrore të Pakistanit po bëjnë presion për të blerë më shumë dronë ndërsa kërkojnë të shmangin rrezikimin e avionëve të tyretë kushtueshëm. Pakistani dhe India përdorën avionë luftarakë të gjeneratës së fundit gjatë përleshjeve mes tyre, por Islamabadi, i cili është në vështirësi financiare, ka vetëm rreth 20 avionë luftarakë J-10 të prodhuar në Kinë, krahasuar me dhjetëra Rafale që Delhi mund të përdorë. Dhe në këtë drejtim pritet që pakistani të intensifikojë bashkëpunimin me kinën dhe turqinë, për të bërë përpara me dronët.