Vetëm pak javë larg festës së Falenderimeve, ku shumë amerikanë zgjedhin të udhëtojnë pranë familjeve të tyre, bllokimi i qeverisë po shkakton vonesa në udhëtime. Më shumë se 5 mijë fluturime u anuluan në të gjithë Shtetet e Bashkuara në një ditë, për shkak të reduktimit të stafit të kontrollorëve të trafikut ajror, të cilët punojnë pa marrë pagën që nga tetori kur u mbyll qeveria federale. American Airlines tha në një deklaratë se po anulon cdo ditë nga 220 fluturime, Delta AirLines 170 fluturime. Në 40 aeroporte pati shkurtime të stafit, përfshirë qendrat kryesore në Atlanta, Neëark, Denver, Chicago, Hjuston dhe Los Anxhelos. Agjencitë federale kanë ndalur punën që kur financimi u ndërpre më 1 tetor. Shumë punonjës qeveritarë, përfshirë stafin jetësor të aeroportit, ose po punojnë pa pagesë ose janë të pezulluar nga puna në shtëpi, duke pritur që kriza gati gjashtë-javore e qeverisë federale të përfundojë. Kjo javë i redukton me 4% fluturimet, ndërsa në javën që vjen fluturimet që do të anulohen shkojnë në 10% duke bërë që qytetarët amerikanë të ndjejnë drejtëpërdrejtë pasojat e mungesës së buxhetit