Një tornado vrau të paktën gjashtë persona dhe plagosi më shumë se 400 të tjerë, ndërsa shkatërroi pjesën më të madhe të një qyteti në Brazilin jugor. Makinat në rrugët e qytetit u përmbysën si të ishin lodra, shumë ndërtesa u shkatërruan në Rio Bonito do Iguacu, një qytet me 14,000 banorë në shtetin Parana, njoftoi shërbimi lokal i meteorologjisë. Zyrtarët e Mbrojtjes Civile thanë se 90 përqind e qytetit pësoi dëmtime. Stuhia zgjati vetëm disa minuta, por u shoqërua me breshër dhe erëra të forta që arrinin shpejtësi deri në 250 km në orë "Shkatërroi gjithçka. Shkatërroi qytetin, shtëpitë, shkollat. Çfarë do të bëhet me ne?" u shpreh një banore e prekur që qëndronte pranë një grumbulli rrënojash që dikur ishte dyqani i saj. Imazhet në mediat sociale treguan shumë shtëpi me çati të mbetura pa çati ose të shkatërruara plotësisht. "Është një skenë lufte", tha për mediat kreu i agjencisë së Mbrojtjes Civile të Paranës.