Pjesa e brendshme e tokës, ose bërthama, po ftohet më shpejt nga sa kërkuesit e kishin menduar deri më sot. Këtë e tregon një studim më i fundit, i cili ngre pikëpyetje se sa gjatë njerëzit do të mund të jetojnë në planet. Nuk ka një kalendar ekzakt të procesit të ftohjes, që do ta bënte tokën të ngjashme me Marsin. Por, rezultatet e studimit të botuar në një revistë shkencore, fokusohen tek shpejtësia me të cilën bërthama e tokës mund të ftohet duke studiuar bridgmanite, që është një mineral përcjellës nxehtësie që gjendet me bollëk mes bërthamës së tokës dhe mantelit të saj. Rezultatet, sipas kërkuesve sugjerojnë se toka, ashtu si edhe planetet e tjerë shkëmborë, Mërkuri dhe Marsi, po ftohet dhe po bëhet inaktive më shpejt nga sa pritej. Pavarësisht se kërkuesit mendojnë se procesi po lëviz më shpejt nga sa mendohej, flitet sidoqoftë për qindra e miliona, ose ndoshta edhe miliarda vite.