Ish-kryeministri Sali Berisha, u ndal të martën në Asamblenë Politike të Partive Popullore Europiane në Bruksel, ku krahas kërkesës për dërgimin e një misioni faktmbledhës në Shqipëri, ka zhvilluar edhe takime me zyrtarë të lartë e përfaqësues të partive simotra. I shoqëruar nga Jorida Tabaku, Oerd Bylykbashi e Albana Vokshi, Berisha zhvilloi një takim me Rihards Kols, anëtar i Parlamentit Europian nga Grupi ECR dhe pjesë e Komisionit të Punëve të Jashtme. Ish-kryeministri mësohet të ketë bërë një paraqitje të situatës politike në Shqipëri, zgjedhjeve të 11 majit, që sipas tij u blenë në forma të ndryshme nga qeveria apo edhe përqendrimin e pushtetit në duart e Kryeministrit Edi Rama, duke theksuar se të gjithë liderët kryesorë të opozitës janë arrestuar, ndjekur penalisht apo përballen me akuza politike, në një klimë represive dhe të paprecedent për një vend kandidat për anëtarësim në Bashkimin Europian. Nga ana tjetër, sipas Berishës kryeministri Edi Rama dhe Ministri i Jashtëm Igli Hasani po përpiqen të ndikojnë në ndryshimin e raportit paraprak të misioneve ndërkombëtare veshguese nëpërmjet kërcenimit dhe presionet ndaj vezhguesve.