Ish kryeministri Sali Berisha refuzoi të ishte i pranishëm këtë të enjte ne ceremoninë e 100 vjetorit të marrëdhënieve dypalashë mes Shqipërisë dhe Shteteve të Bashkuara të Amerikës. Teksa në Kuvend po mbahej sesioni i fundit parlamentar, në një prononcim të shkurtër për mediat Berisha dha një mesazh të qartë për SHBA. Me kaq po ju falënderoj sepse unë po nisem për në Mirditë. Do festoj me mirditorët 100 vjetorin e vendosjes së marrëdhënieve diplomatike me SHBA. Rama bën anti-miting, ndërsa unë do e festoj me shqiptarët e vërtetë dhe jo me nëpunës të paguar të cilët siç patë mesazhet vijnë aty vetëm për të ruajtur kafshatën e gojës dhe vendin e punës. Në fakt, të kremtosh marrëdhëniet me SHBA me Edi Ramën dhe Taulant Ballën është njëlloj si të shkosh me Saimir Tahirin në ‘Shtëpinë e Bardhë’.