Ish-kryeministri Sali Berisha vijoi këtë të enjte takimet në Bruksel, ku mblodhi edhe kryesinë e Partisë Demokratike atje. Nga mbledhja e Kryesisë, Berisha hodhi një lumë akuzash ndaj qeverisë dhe kryeministrit Edi Rama, për blerje të zgjedhjeve, intimidim e presion ndaj votuese si dhe përdorim të administratës. Ndërkohë poashtu në Bruksel zhvilloi takime edhe në rang ndërkombëtar. Berisha dhe përfaqësuesit e tjerë të PD u takuan me eurodeputetin austriak Andreas Schieder, anëtar i Komisionit të Punëve të Jashtme (AFET) në Parlamentin Europian dhe raportues për Shqipërinë. Berisha gjatë këtij takimi raportoi situatën para, gjatë e pas zgjedhjeve në vendin tonë, ku kërkoi vëmendje dhe veprim të shtuar nga Bashkimi Europian, për të ndalur atë që e konsideron si regres demokratik dhe për të garantuar që rruga e Shqipërisë drejt anëtarësimit në BE të bazohet në standarde të qarta të demokracisë, sundimit të ligjit dhe ndarjes së pushteteve.