Vetëm pak ditë nga vrasja e Bledar Mucës në Belgjikë, një tjetër shqiptar është gjetur i vdekur në një bllok apartamentesh në qendër të qytetit të Roeselare. Lajmi u bë me dije nga mediat belge, ku thuhet se 38 vjecari Klodjan Turja, u gjet pa shenja jete në fund të shkalleve të një apartamenti. Shërbimet e urgjencës u lajmëruan në orën 5 të mëngjesit të kësaj të enjte, ndërsa kur mbërritën në vendin e ngjarjes ata zbuluan trupin e pajetë të shqiptarit. Fqinjët dëgjuan një zhurmë rreth orës 4:30 të mëngjesit, e ndërsa kanë dalë nga banesa ata gjetën trupin e një burri në fund të shkallëve. “Burri kishte lëndime në pjesën e pasme të kokës”, thotë Tom Janssens për prokurorët. Ekspertët e hetimit po merren me ngjarjen, për të gjetur shkakun e plotë të saj. Deri më tani vdekja është e dyshimtë, duke mos përjashtuar as vrasjen e tij, por përfundimet priten të jepen pas kryerjes së hetimeve të para. Pak ditë më parë, 39 vjecari shqiptar Bledar Muça u vra me armë zjarri në Antëerp të Belgjikës. Ky i fundit ishte krahu i djathtë i fisit Çapja në Elbasan. Duket, se tashmë rivaliteti mes bandave, apo larja e hesapeve nuk nis dhe përfundon në Shqipëri, por ka kaluar kufijtë territorialë të Shqipërisë.