Mediat belge raportojnë se Eldi Dizdari, njohur edhe si Denis Matoshi ka mbërritur në Belgjikë ditën e enjte pas ekstradimit nga Dubai. “Së bashku me Emiratet e Bashkuara Arabe, ne po tregojmë se nuk ka strehë të sigurta për kriminelët e drogës”, ka shkruar përmes një postimi në rrjetet sociale ministrja e Drejtësisë belge. Dizdari është dënuar nga autoritetet belge me 10 vite burg për rolin e tij në aktivitetin e trafikut të drogës. Ai është konsideruar si një prej figurave kryesore të organizatës kriminale Kompania Bello. Ai njihet edhe me pseudonimin “Shqiptari i gjatë” ose "Alduth". Në Belgjikë. Dënimin ndaj tij e ka dhënë gjykata e Anversës. Grupi ku bënte pjesë Dizdari dhe Dritan Gjika është goditur nga SPAK pasi dyshohet se ka transportuar të paktën 50 tonë kokainë nga Amerika Latine drejt vendeve të Bashkimit Europian. Në vitin 2020, kur Prokuroria e Posaçme nisi hetimin pasuror ndaj tij, mësoi se Dizdari kishte përfituar një tokë 500 m2 katrorë si dhuratë në rrugën Dervish Hima pranë stadiumit “Air Albania”.